Ekzistojnë katër forma kryesore të kancerit te lekures.
Karcinoma bazoqelizore
Kjo është forma më e zakonshme e kancerit të lëkurës, por edhe më pak e rrezikshmja. Në mënyrë tipike paraqet si një element i ngritur në lëkurë me një buzë të ndritshme, si perle, një plagë që nuk shërohet, ose një kruste që rritet ngadalë me kalimin e kohës. Nëse lihet pa trajtuar, mund të ulçerojë dhe te invadoje indet më të thella.
Keratoza aktinike
Janë lezione prekanceroze; në 10 - 15% të rasteve ato mund të zhvillohen në karcinoma e skuamoqelizore, kështu që ato duhet të mjekohen për të parandaluar përparimin. Kjo ndodh më së shpeshti te njerëzit e moshës mesatare dhe të moshuar, në zonat më të ekspozuara ndaj diellit, siç janë fytyra, qafa, veshët, pjesa e pasme e duarve dhe kokës. Paraqet si pllaka te skuqura te ashpra me pak skuame ne siperfaqe.
Karcinoma skuamoqelizore
Kjo është forma e dytë më e zakonshme e kancerit të lëkurës, që ndodh në zona të lëkurës që kanë pasur shumë ekspozim në diell, siç janë fytyra dhe koka. Paraqet si një nodus krustoz i cili mund të rritet shpejt dhe të bëhet e ulçeruar dhe me sekrecione ne siperfaqe. Mund të përhapet me shpejtësi, veçanërisht nëse ehste e lokalizuar në buze, veshë, gishta dhe gishtërinjtë, ose tek pacientët medeficite imunitare. Trajtimi kirurgjikal për të hequr lezionet është thelbesor.
Melanoma
Kjo është forma më pak e zakonshme e kancerit të lëkurës, por edhe më e rrezikshmja. Mund të prekë njerëzit e çdo moshe, ndryshe nga llojet e tjera te kancerit te lekures që janë më të zakonshme tek njerëzit e moshuar. Pamja klinike ndryshon shume, mund te paraqitet si nje njolle e hiperpigmentuar e cila ndryshon madhesine, ngjyren dhe konturet me kalimin e kohes. Por mund te paraqitet klinikisht edhe si nje nyje me ngjyre te kuqe apo roze. Melanoma mund te perhapet ne organet e brendshme prandaj kerkohet trajtim i menjehershem.
